Wonder Woman 3 hmain Wonder Woman Spin-Off?

Wonder Woman writer-director Patty Jenkins chuan Wonder Woman series pahnih dang siam leh turin a inpeih tih a sawi.

Tunhnaia Total Film-in an interview-naah Jenkins hian Themy­scira-a Amazons-te tinzawn tur Wonder Woman spin-off siam a rilruk thu a sawi a, mahse spin-off chu lo siam pawh nise direct erawh a tum loh thu a sawi thung.

Wonder Woman 1984 tlangzarh a nih hma chuan Wonder Woman film dang chungchangah chuan thuchiang engmah a la awm thei lo tih sawi thungin, chumi hma chu ngaihtuahna fim a la pu thei lo tih a sawi.

Jenkins hian nikum December-ah pawh khan Wonder Woman 3 siam hmain spin-off hi siam a ni mai thei tih a lo sawi tawh a, a film kalphung tur pawh a ngaihtuah fel tawh bawk.

Wonder Woman 1984 hi August 14-ah tlangzarh a ni dawn thung a, hrileng vanga tihkhawtlai a ni leh a nih ngawt loh chuan kumtawp lamah chuan Gal Gadot chevel kan hmu hman ngei ang.