GAMING NEWS - The Legend of Zelda: Tears of the Kingdom tlangzarh hun tur hriat ta

The Legend of Zelda game thar ber chu 'The Legend of Zelda: Tears of the Kingdom' tih a ni dawn tih Nintendo chuan Thawhlehni khan puangzarin nakkum May 12-ah an tlangzarh dawn tih an puangzar nghal bawk a, trailer pawh an tihchhuak tawh a ni.

Nintendo Switch-a khelh turin he game hi an tichhuak phawt dawn a, Rs. 4,765 man tur niin Amazon US leh Best Buy-ahte chuan pre-order theih a ni tawh.

The Legend of Zelda game hmasa ber chu kum 1986-a tihchhuah daih tawh kha a ni a, nikum July thla khan a hnuhnung ber 'The Legend of Zelda: Skyward Sword HD' chu tihchhuah a ni. A game main series 19 lai siam a ni tawh a, spin-off eng emaw zat a awm tawh bawk. Khawvela game franchise hlawhtling ber pawl a ni mek a ni.