GOT star-in Deadlift-ah record a siam

Game of Thrones star Hafthor Bjornsson chuan khawvela deadlift-ah chawi rit ber record khumin, kg 501 a chawi.

Kum 2016 khan English professional strongman hlui, Eddie Hall chuan deadlift-ah kg 500  lo chawi tawhin khawvela deadlift chawi rit thei ber a ni. 

GOT star ft 6 leh inch 9-a sang, pound 452-a rit Icelandic professional strongman Hafthor Bjornsson chuan kg 501-a rit a chawina video hi a instagram-ah a tarlang a ni.

Bjornsson hi kum 2018 khan World Strongest Man competition-ah a champion tawh a, hemi ṭum hian Car Deadlift round-ah pakhatna a ni nghe nghe.