Rimawi Khawvel Music Awards 2022 sem hun tur chu

Rimawi Khawvel Music Awards 2022 chu November 3&4, 2022 zanah sem a ni dawn.

Kumin Rimawi Khawvel Music Awards-ah hian category hrang hrang 15-ah award an buatsaih dawn a, trophy mawi leh changkang tak bakah sumfai eng emaw zat a tel dawn niin award buatsaihtute chuan thuchhuah an siamah an tarlang.

Category tina nominee-te chu mipui thlan tur an ni dawn a, tun aṭanga rei loteah social media platform hrang hrangah an vote-na tur leh vote dan tur an rawn pholang dawn a ni.

November 3 zanah chuan nominee concert puitham tak buatsaih an tum a, a tuk November 4 zanah award semna chu an nei dawn thung a ni. Hemi zan hian Rimawi Khawvel Music Awards lo dawng tawhtute chu an inlan dawn bawk.