KHIANGTE CONSTRUCTION ṬHAZUAL GOSPEL ; Benjamin & Isaac-te'n 'Engmah ka hlau tawh lawng' hmangin ro an rel

Khiangte Construction Ṭhazual Gospel chart-ah Benjamin Colney leh Isaac Hnamte-te chuan an hla sak dun mawi tak 'Engmah ka hlau tawh lawng' hmangin ro an rel a, pakhatna an ni.

A mimal ang pawha Gospel artist Mizote'n kan neih ṭhat ber zinga mi ni ve ve Benjamin leh Isaac-te hian July thla tawp khan 'Engmah ka hlau tawh lawng' hi an tichhuak a, Ṭhazual chart-ah pawh an rawn inlanpui vat reng a ni. YouTube lamah pawh thlirtu nuai chuang an nei der tawh a, ṭhalaite ngainat zawng tak hla a ni tih a chiang a, chart-a topper an ni pawh hi an phu hle.

Pahnihna chu The Illutionist niin 'Ka fak zel ang' hmangin chart chung ber an hnaih zel a, tunah chuan a chung ber dawttuah an awm der tawh a ni. Ṭhazual chart-a che ṭha ṭhin tak Lalthansangi pawh top 3-ah rawn inhlangkai ve leh tawhin thla khat vel liam taa a tihchhuah 'Lalpa min hruai zel ang che' hmangin pathumna a ni ve bawk.

Ṭhazual chart-ah hian Gospel singer ṭha tak tak an lang nual a, Sangtei Hmar 'Tidamtu Lalpa' chu palina niin R Lalbiaksanga & K Vanlallawmi 'I van tirhkoh' chu pangana a ni. Sailo Lalsangzuali, Faktu ft. Maruati. Seraphic Choir leh C Lalremruata te pawh top 10-ah an lang a ni.