'Gran Turismo' movie-ah Orlando Bloom

Sony Pictures leh PlayStation Productions-te'n video game lar tak 'Gran Turismo' movie an siam turah Orlando Bloom pawh a chang ve dawn.

He film hi Elysium director Neill Blomkamp chuan a direct dawn tih a chiang tawh a, David Harbour leh film star lar chho mek Archie Madekwe-te pawh an chang dawn tih a hmain an lo tarlang tawh bawk a, tunah chuan kum 45 mi Orlando Bloom pawh a chang dawn tih an tichiang ve leh ta a ni.

'Gran Turismo' hi thil tak tak thleng behchhana siam tur a ni a, 'Gran Turismo' player ṭha tak, a game khelh thiam hmanga professional racing driver ni chho ta chungchang vel a ni dawn.