Guinness World Records-ah EXO

Kum 2016-a Mnet Asian Music Awards (MAMA)-ah khan EXO an che ṭha a, Album of the Year award an la a, hei hi MAMA-a award vawi nga an lakna a ni. Heta an hlawhtlin hnu hian an hlawhtlinna hi Guinness World Records buah pawh ziahlan a ni.

MAMA-ah hian EXO hian Album of the Year te, Artist of the Year award te an dawng tawh a, a vaia award an dawn tawh chu panga a ni. An hlawh­tlinna hi K-pop khawvel chhungah chauh chhinchhiah a ni tawh mai lo a, khawvel pawhin a hmuhpuiin a hriatpui ta. Guinness World Records buah hian MAMA-a grand prize (daesang) dawng hnem ber an nih avangin ziah luh loh theih loh an ni.

Kum 2016 khan “EX’ACT” album hmangin Album of the Year an dawng a, he daesang hi MAMA-a award an dawn vawi ngana a ni a, MAMA-a award dawng hnem ber record Big Bang-in an lo siam tawh chu an nih rual a, Guinness World Records-ah hian an ziak lang ve ta a ni. EXO hian kum 2013, 2014, 2015 leh 2016-ah te Album of the Year award an dawng a, kum 2014 khan Artist of the Year award an dawng bawk. Big Bang hian kum 2007 leh 2015 khan Song of the Year an dawng a, kum 2008, 2012 leh 2015-ah te Artist of the Year an dawng.

EXO hian an album thar The War kha fûn ṭhata tihchhuah leh an tum thu tunhnai khan an puang. Baekhyun chuan an album tuamthar leh tur thu hi tunhnai khan a sawi chhuak ṭha leh a, The War repackaged album an tihchhuah turah hian hla thar pawh an dah belh nual ang.