Lady Gaga - Hottest Summer Superstar-ah an thlang

MTV-in fan-te vote aṭanga a thlan chhuah, Hottest Summer Superstar 2017-ah Lady Gaga thlan chhuah a ni a, vote pawh a hmu hnem hle a, pahnihnain vote a hmuh let daih a hmu.

Hottest Summer Superstar-ah hian fan base-a vote thlak a nih hmel a, chuti a nih chuan Lady Gaga hian fan a ngah ber tihna a ni ang. Kum 31 mi Lady Gaga hian vote maktaduai 65 zet a hmu a, a dawta hmu hnem chu Zara Larsson niin, ani hian vote maktaduai 25 a hmu.

MTV hian Twitter kal­tlangin Hottest Summer Superstar hi an thlang a, fan-te hian hashtag-in vote an thlak a ni. Vote tla zawng zawng hi makta­duai 194 zet a ni a, Justin Bieber chu vote hmu hnem pathumna a ni a, maktaduai 15 a hmu a, Fifth Harmony chuan vote maktaduai 10.5 hmuin, Nicki Minaj chu pangana a ni a, vote maktaduai 7.6 a hmu.