US-ah Taeyang a hlawhtling

BIGBANG member, Tae­yang chuan tunhnai khan album a tichhuak a, he a album hi US-ah pawh an hralh ṭha. Kar liam ta chhung khan copy 1,000 lai a hralh a, Billboard hnuaia chart, World Albums-ah pawh pakhatna a luah leh.

Taeyang album hi Billboard World Albums chart-ah a zawna pakhatna a luah vawi hnihna a ni. Kar hmasa hmasa leh pawh khan he chart-ah hian pakhatna a luah a, a album hi US-ah copy 3,000 lai a hralh tling tawh. K-Pop artist zingah Taeyang bakah a band BIGBANG leh BTS te chauh World Albums chart-a pakhatna vawi hnih luah thei an la ni.

Nimin aṭang khan US-ah hian Taeyang hi a tour ṭan. Nizan khan New York-a Madison Square Garden-a The Theatre-ah a concert ang a, Sept 12 hian Los Angeles-a The Wiltern-ah a concert bawk ang.