Fiamthu Fest buatsaih dawn

Fiamthu Fest buatsaih tuma hma lak chhoh mek a ni a, lawmman pawh a ṭha dawn. Fiamthu Fest-a tel duhte tan form pawh lak chhuah theih a ni.

Fiamthu Fest hi Lalhruaitluanga Sailo, David Zohmachhuana leh R. Vanlal­chhandama te buatsaih tur a ni a, Zonet nena ṭangkawpa buatsaih tum niin, live-a pek chhuah tum a ni. Pakhatna hian Rs. nuai khat a dawng ang a, pahnihnain Rs. 50,000 leh pathumnain Rs. 30,000 an dawng ang. Hei bakah hian top 7-te hnena­h Rs. 5,000 ṭheuh pek a ni bawk ang.

Fiamthu Fest-a tel duhte tan form lakchhuah theih a ni a, form hi Dental Plaza, Zodin; Zonet Office, Zarkawt; The Grand Hotel, Chanmari leh The Good Life, Dawrpui Bus Stand-ah te lak chhuah theih a ni a, form hi September 26 thlengin a lak chhuahna hmunah hian thehluh leh tur a ni. Intihsiakna hi October 3 aṭanga ṭan tur a ni.