Ducati-in bike tichhuak dawn

Ducati chuan tun thla hian an bike ṭha pahnih India-ah an khuhhawng dawn niin an sawi a, September 22 hi khuhhawn ni tur niin an sawi. Ducati bike-te hi SuperSport leh SuperSport S te an ni a, 937 cc ve ve tur niin an sawi. L-Twin cylinder, liquid cooled engine a ni a, gear hi number 6 thleng a awm ang. 

Heng bike pahnihna danglamna ber tur chu suspension-ah a ni a, SuperSport hian 43mm diameter Marzocchi fork a hma lamah a hmang a, a hnungah hian Sachs single shock a hmang thung. SuperSport S hian a hmalamah Ohlins suspension, 48mm fork a hmang thung. A man erawh mi nazawng neih phak loh deuh a ni a, cheng nuai 12aṭanga 13 inkar vel tur nia ngaih a ni.