Melanie C-in a solo album pakuana tur buaipui ṭan

Spice Girls star ṭhin Melanie C chuan a solo album pakuana tur a buaipui ṭan.

90's girl group lar tak ṭhin Spice Girls-a Sporty Spice tia hriat lar hian kum 2020 khan a solo album hnuhnung ber, ama hming chawia a tihchhuah 'Melanie C. chu a tichhuak a, chumi chhunzawmna chu tunah hian buaipui ṭan leh tawhin, a memoir 'Who I Am' a tihlarna karah a album thar tur buaipui leh hlan chu a nghakhlel hle tawh tih a sawi.

Retro Pop magazine October 2022 issue-ah hemi chungchang hi sawi langin kum 48 lai ni ve tawh Melanie C album thar hi kan hmu har vakin a rinawm loh. Kum 1999 khan ama pual album hmasa ber 'Northern Star' chu a tichhuak a, chumi hnu chuan album pasarih lai a tichhuak leh tawh bawk a ni. Spice Girls khan studio album pathum chiah an tichhuak hman thung.