DJI a la chuai lo zel

DJ Lalvenhimi hi zai lama a chuai lohzia lanna chu Hontrade Ṭhazual Lengzem chart tihchhuah thar berah a hla 'Ka tan i chuai' chu pakhatnaah a awm leh. He hla hi a zawnin pakhatnaah vawi hnih a awmna a ni.

'Ka tan i chuai' hla hi a hlutna pakhat chu minister, Lalsawta phuah a ni. He hla hi Michael M. Sailo-a project hnuhnung ber kha a ni a, a peih hmaa a thihsan a ni. Michael-a hian siam zo hman lo mah se a nupui B. Malsawmtluangi a chhunzawm a, chuvang chuan he music hi a hlu hle. He video an siam dan vel pawh hi YouTube-ah dah a ni nghe nghe.

Zorinzuali Khiangte chu 'Ka ngaidam che' tih hla nena pakhatna a luah hnuah 'Lunglen a na' hla hmangin pakhatna a hnaih leh hle tawh a, tunah hian pahnihna a luah mek. Thiam­chantira pawh parukna aṭangin 'Kir an rel lo' hla hmangin pathumnaah a rawn chuang chhuak. Top 10-ah lang thar an awm lo.

Hontrade Ṭhazual Lengzem

1 DJ Lalvenhimi - Ka tan i chuai

2 Zorinzuali Khiangte - Lunglen a na

3 Thiamchantira - Kir an rel lo

4 Zorinzuali Khiangte feat 135 - Ka ngaidam che

5 Janet - I luah zo ngei e

6 Mathlenga - Di ngaih

7 F. Zomuanpuia - Ka thai mampui

8 Malsawmtluanga - Ka star number one

9 Manuna - Duhaisam

10 7th String - Mizoram