A vawi khat nan Lil Uzi Vert

He rapper hian a hmain mixtape vel chu a siam a siam tawh a, studio album erawh a la siam ngai lo. Lil Uzi Vert hian a studio album hmasa ber a tichhuak a, a hlawhtling nghal a, Billboard 200 chart-ah pakhatna a luahpui nghal thei.

Lil Uzi Vert-a studio album hmasa ber hi ‘Luv is Rage 2’ a ni a, kar khat chhungin copy 135,000 lai a hralh thei a, a thiamzia a lang mai awm e. Studio album hmasa ber hetiang khawpa hlawhtlinpui nghal thei chu an tam lo hle. Lil Uzi Vert hian a album hi album pangngai kan tih ang, CD ang chi khan copy 28,000 a hralh a, a bak chu track equivalent leh streaming equivalent te a ni.

Billboard album chart-a pahnihna luahtu pawh rapper tho a ni a, tudang ni loin ‘Look at me’ hla aṭang hriat hlawh XXXTENTACION kha a ni. A album ‘17’ hmangin Billboard 200 chart-ah pakhatna a luah a, he album hi kar liam ta chhung khan copy 87,000 lai a hralh thei.

Queens of the Stone Age album thar ‘Villians’ chu pathumnaah a rawn lang pha a, copy 73,000 an hralh. Queens of the Stone Age tan chuan an album hi Billboard 200 chart-a top 10-a lang thei an album pathumna a ni a, hemi hma chiaha album an tihchhuah “...Like clockwork” erawh kha chu an pha ta lo deuh a, he album kum 2013-a an tihchhuah hi pakhatna a ni thei.

Billboard 200 chart

“Luv Is Rage 2” - Lil Uzi Vert (135,000)

“17” - XXXTENTACION (87,000)

“Villains” - Queens of the Stone Age (73,000)

“Fifth Harmony” - Fifth Harmony (46,000)

“DAMN.” - Kendrick Lamar (45,000)

“Cozy Tapes, Vol. 2: Too Cozy” - A$AP Mob (41,000)

“Happy Endings” - Old Dominion (41,000)

“American Teen” - Khalid (33,000)

“Project Baby 2” - Kodak Black (33,000)

“A Deeper Understanding” - The War on Drugs (31,000)