FIFA 18-ah a vawi khat nan C. Ronaldo thla
Footballer lar a nihna a rei tawh nachungin Cristiano Ronaldo hi FIFA game-ah hian cover photo-ah a lo la lang ngai miah lo. Kuminah erawh a vawi khat nan C. Ronaldo chu cover-ah hman a ni ve ta.
Real Madrid player chhuanvawr Cristiano Ronaldo hi FIFA 18 game-a cover-ah a thla nemkai a ni ve ta. Hetihlai hian La Liga-a an hmelma Barcelona player, Lionel Messi thlalak chu Pro Evolution Soccer game cover-ah hman a ni thung. Heng club pahnihte hi gaming khawvelah pawh an inel kan ti dawn nge, hetianga game inel tak maia La Liga club inel tak player an lang hian sawi chu a titam viau!
FIFA 18 hi tun thla ni 29 hian tihchhuah a ni dawn. Ronaldo edition chu pre-order theih a ni tawh a, Euro 79.99 man a ni. Xbox One-a khelh theih tura tihchhuah a ni dawn bawk a, hei bakah PlayStation tan September 26 hian tihchhuah a ni ang. Ronaldo Version bakah Icon Edition a awm a, Euro 89.99 man a ni ang a, a man tlawm ber tur chi, standard version hi Euro 54.99 man a ni ang.