Yoona hla thar a chhuak dawn

Girls’ Generation-a mi Yoona chuan a solo single pahnihna chu Zirtawpni hian a tichhuak dawn a, Chinese leh Korean-a tihchhuah a ni ang.

SM Entertainment chuan Yoona hian hla thar a tichhuak dawn tih hi a puang chhuak a, a hla thar tur hi ‘You’re my star’ a ni a, Chinese Version leh Korean Version tea siam a ni. A hla thar hi SM Station-ah a tichhuak ang.

SM Station hi SM Entertainment digital music project a ni a, khawvel puma K-Pop an tihlarna hmanraw pakhat a ni. An project-ah chuan, Zirtawpni apiangin digital hla pakhat tihchhuah ziah a ni. Season-in an ṭhen a, season hmasa ber chu kum 2016 February thla aṭang khan kumin February 3 thleng kha a awh a, hemi chhung hian hla 52 an tichhuak a, chung zingah chuan EXO hla ‘Dancing King’, Yoo Jae Seok nena an sakna te kha a tel.