U Got Talent judge turah Miss India Mizoram

Talent chi hrang hrang hmanga intihsiakna buatsaih tur, U Got Talent-a judge turte puan chhuah a ni a, judge tur zingah hian Miss India Mizoram, Rody H. Vanlalhriatpuii pawh a tel.
U Got Talent judge tur puan chhuah a ni a, Miss India Mizoram, Rody H. Vanlalhriatpuii chu judge tur a ni a, ani bakah hian Henry C. Lalrawnkima, Mission Veng; Elijah Lalrinawma (Rintes, Albatross), Kulikawn; Angela Khuma, Zonuam leh Alan Rinawma, Electric Veng (Mizo Dance Camp) te chu judge tur dangte an ni.
He intihsiakna tura inbuatsaihna hi kalpui chhoh mek a ni a, tun Inrinni hian contestant te hriat tur kimchang leh an perform hun tur tihchhuah a ni ang. Contestant tin hun hman hun chhung hi minute 3 pel lo tur a ni a, intihsiakna hi kar khatah vawi hnih, Thawhṭanni leh Ningani zan apiangin Zonet Bawhbel-ah tihchhuah ṭhin a ni ang. Zonet Rimawiah tihchhuah ṭhin a ni bawk ang.