Dangal-in Rs. tld 10 a lalut tling

Amir Khan-a film, Dangal chu a hlawhtling hle zel a, tunah hian Rs. tluklehdingawn 10 a lalut tling ta der mai. Dangal siam nana senso hi Rs. vbch 90 vel chauh a ni thung.

Dangal hi India-ah Rs. vbch 380 zet a lalut a, India-a a hlawhtlinna bakah hian China, a bikin Hong Kong-ah a hlawhtling hle. Hong Kong-ah ringawt hian Hong Kong dollar maktaduai 15 zet a lalut a, chu chu India pawisain Rs. maktaduai 122 zet a tling. Thawhṭanni ringawt khan Hong Kong-ah HK$ nuai 5 a lalut a, Thawhlehni khan HK$ nuai 6 a lalut leh bawk.

Dangal-ah hian Aamir Khan chu Mahavir Sing Phogat lemah a chang. Wrestling tuipui em emtu a ni a, mahse a pain hna ṭha zawk thawk tura a duh tlat avangin hreh chung chungin wrestling chu hnuchhawnin hna dang a thawk ta zawk a ni. A rilruah fapa a neih chuan wrestling lama kaltir a, theihawpa train a tum a, mahse fanu hlir a nei mai a, a beidawng ta hial. Tuk khat chu a fanu pahnih chu mipa pahnihin an lo chhaihin anmahni chhaihtute hi a sawp hrep mai a, heta ṭang hian a fanuten wrestling lamah talent an nei tih hriain, a fanute hi a train ta a ni.