Indiana Jones-ah Shia LaBeouf a tel dawn lo

Indiana Jones hnuhnung ber, Kingdon of the Crystal Skull kha i en chuan Shia LaBeouf chu Indiana Jones fapa lemah changin, a tawpah Indiana Jones-a lukhum chu a bulah thliin a rawn lên a, a chhar a nih kha. Khata a lan dan chuan Indiana Jones chhuak leh turah Shia LaBeouf (Henry Jones III anga chang) chu Indiana Jones thar leh turah a changtu ber a nih hmel viau. Amaherawhchu Indiana Jones thar ber tur an siam mekah Shia LaBeouf chan, Henry Jones III chu a lang lo hrim hrim.

Indiana Jones V an buaipui leh mekah screenwriter David Koepp chuan Shia LaBeouf a lang dawn lo tih a sawi. Koepp chuan, “Ka sawi chian theih chin chu Indiana Jones lemah Harrison Ford bawk a chang leh ang tih chauh hi a ni a, hei bakah hian Shia LaBeouf character tur chu he film-ah hian a tel lo hrim hrim tih chin chauh hi a ni,” a ti.