Zaninah Comedian Search ṭan dawn

Fiamthu thiam zawnna leh intihsiakna, Comedian Search vawi 10-na chu zanin aṭangin ṭan a ni dawn.

Comedian Search hi kum 2008 aṭanga buatsaih ṭan kha a ni a, kumin hi a vawi 10-na tur a ni. First Round hi zanin hian

ṭan a ni ang a, LPS-ah live-a tih­chhuah nghal a ni ang. A kum 10 tlin kumah hian mi 58-in hming an pe lut a, First Round hi zanin leh naktuk zanahte neih a ni ang. Tel tuma hming pe lut aṭang hian First Round-a tel thei turin Selection Round buatsaih phawt a ni a, chuta tlingte chu First Round-ah hian an inlan dawn a ni.

Comedian chief organiser H. Rotluanga chuan Comedian Search kum 10 chhung kalpui a ni ta chu Pathian malsawmna a ni tih sawiin, "Mipuiin keini show buatsaih tehlul an lo ngaihlu der ve a, kan lawm tak zet a ni. LPS zar a ni bawk a, a bikin LPS hotupa Pu Lalsawmliana Pachuau chungah lawmthu sawi kan ba nasa. Sponsor fel tak tak leh TV advertisement ṭha tak tak kan nei ṭhin bawk a, anni zar pawh a ni," a ti. Contestant lo ni tawhte zawng zawng, judge lo ni tawhte leh host lo ni tawhte bakah he show atana tha lo thawh tawhte chungah lawmthu a sawi bawk.

Comedian Search-ah hian he show hmasa ber aṭanga judge lo ni tawh ten an endik dawn a, Mapuia bakah Stephen Auhmun, Mafaa Hauhnar leh Lalhruai­tluanga Chawngte ten an endik dawn. Host pawh nikuma mipuite ngainat Baryl Vanneihsangi bawk a ni ang.