Hla thar pahnih Kelly Clarkson-in phochhuak

American Idol aṭanga kan hriat lar, zaithiam em em mai Kelly Clarkson chuan amah ngaisang tute tan hla thar pahnih ngawt a rawn hlui leh ta. Heng hla tharte hi 'Love So Soft" leh "Move You" an ni.

Love so soft hla thu hi a mawlmangin a ril raih mai, a saptawng vek hian tarlang ila. "Every kiss is a door /Can I knock on yours? Can we knock a little more? /If your touch is a key, keep on twisting, keep on locking, keep on turning me,Let me in, I wanna be closer to you, let you under my skin /If I let you in, You gotta be careful with it /Let me tell you again."

Hla pahnihte hi Khuangchawi Thla ni 27-a album tihchhuah tur "Meaning of Life" aṭanga lak chhuah an ni. A album thar tur atana inbuatsaih mek lai hian NBC show lar tak "The Voice" ah judge a ni dawn bawk. A chawrchhuahna American Idol aia The Voice a thlan zawk chhan zawhna chu, "Kan chhungkaw tan hian tawn hriat thar dang dai zawk tawn ka duh ve a. Ka fate pali hun neih dan aṭanga chhutin The Voice hi thlang mai zawk ka ni. Tin, a hlawhtlin chhoh zel a beiseiawm a ni" a ti.