Sachin: A Billion Dreams a hlawhtling zel

India mipui zingah a hming hrelo an awm lo ang tih tur khawpa infiammi (cricketer) hlawhtling, Sachin Tendulkar chanchin tarlanna film, 'Sachin: A Billion Dreams' May 26,2017 a tihchhuah chuan mitin thinlung a fan mek zel. A bikin phaituala cheng zingah he film hian nghawng a nei lian hle. Sachin hian tun hnai khan naupang kum ruk mi hnen atangin lehkhathawn a dawng nawlh mai; Sachin chuan he lehkhathawn hi a Instagram ah post nghal in, lawm a hlawh hle a ni. Khawvel huap pawha Cricket star lar Sachin chuan amah lehkha thawntu 'Taara' chu, 'Lehkha min thawn avangin ka lawm e, film kha hmuhnawm i tih avangin ka hlim a ni. Lo nui zel ang che' tiin a Instagram-ah hian a thailang nghe nghe.

Lehkhathawnah chuan ' Dear Sachin uncle, ka hming chu Taara a ni, mahse kum chauha upa ka ni thung. Tunhnai khan i film kha ka lo en a, ka ngaina tak zet a ni. I tetlaia i chimawm ve zia ka hmuh khan ka nui nasa lutuk; cricket i khelh hnuhnung ber ka enlai erawh chuan ka ṭap thung. Pate Sachin, lo zin a hmuh che ka duh a, i nupui Sara te, i fapa Arjun leh fanu Anjali te pawh. A rem angem?" tiin a ziak ve thlap a ni.

Milar leh hruaitu ropuite hian zah leh ngaihsan an hlawh em em thin a. Chung zingah chuan naupang mawl nia kan ngaihte hian an ngaihsante chu rilru thianghlim takin an tilang thin. Abraham Lincoln-a kha President a nih tirhin hmeichhe naupang pakhatin,president chuan a bianghmul zuah se a inhmeh zawk ang tih lehkha thawnin a ziak a; chuvang chuan a bianghmul a zuah ta reng a ni. Chutiang zelin, Mahatma Gandhi hi India Hnampa a ni ngei em tih sorkar laipui zawt khauhtu pawh kha naupang a ni.