Apple leh Amazon-in James Bond an inchuh

James Bond film siam leh tur hian chanchin a ngah nghal hle. Tihchhuah chu sawi loh, a changtu tur pawh an la siam fel tak tak hmain, James Bond film siam leh tur thehdarh kawngah Apple leh Amazon te an inelin, tlaktlum an inchuh nghal hle.

James Bond film 25-na tur hi kum 2019-a tihchhuah tur a ni a, tihchhuah a nih huna distribution right neih tumin Apple leh Amazon te inel. A hmaa he film thehdarh kalpuitu chu Sony a ni a, amaherawhchu kum 2015-a Spectre thleng kha distribution lama Sony an thawhpui chin a ni. Khami hnu khan contract ziah thar a awm lo a, tunah hian distribution lam hi an buaipui leh mek a ni.

Apple leh Amazon te hian distribution right chan an tumah hian streaming thlenga huamtir dan ngaihtuah nia sawi a ni. Distribution Right hian keng tel se an duh zingah James Bond film chhuak tawh zawng zawng pawh streaming-a en theih tura pek chhuah te, James Bond film siam zel tur pawh stream theiha dah chhuahte a tel niin an sawi.