US ṭhalaiten phone an khawih nasa

Khawi hmunah pawh ṭhalaite hian phone an khawih nasa tih chu kan hria a, American ṭhalaite zingah bik, an zirchianna aṭangin kum upa lam aiin phone an khawih nasa zawk hle.

Comscore-in miin phone khawih nana hun an hman dan an zirchiannaaah chuan ṭhalai, kum 18 aṭanga 24 inkarten phone an khawih nasa zual hle a, kum a upat ang zelin phone khawih nana hun an hman pawh a tlem tial tial.

Zirchianna aṭanga a landan chuan chawhrualin, American-te hian ni khatah phone khawih nan darkar 2.3 an hmang a, chutihlai chuan kum 18 aṭanga kum 24 inkarte chuan ni khatah phone khawih nan darkar 3.2 zel an hmang thung.

Kum a upat deuh deuhin phone khawih nana hun hman a tlem tial tial thung. Kum 35 aṭanga kum 44 inkar ten ni khata phone khawih nana hun an hman zawng zawng belhkhawm hi mi pakhatin darkar 2.3 ang a ni a, chu chu US mipuiin phone an hmanrei zawng chawhrual nen a inang. Kum upa lam, kum 65 chin chung lamah phei chuan ni khatah darkar 1.6 chauh phone khawih nan hun an hmang thung.