Nicole Scherzinger Sum hmuh nan thisen a pe ṭhin

Tunah chuan zaithiam ropui a ni ta a, a kalna apiangah chanchinbu mitena an zui a ni tawh. Nicole Scherzinger hian tun dinhmunah chuan thisen peka inhlawh hi a mamawh tawh lem lo a, tunhma erawh kha chuan a rethei ve ṭhin a, sum hmuh nan thisen a pe ṭhin.

Pussycat Dolls-a an chhuanvawr ber Nicole Scherzinger hian college a kal laiin a chhungte thawh chhuah sa lamah a innghat lo a, amahin sum a thawh chhuak ṭhin. A sum thawh chhuah a tlem tham em avangin college-a a zirna tur pawh a inphurhru zo lo ṭhin a, chuvang chuan a sum hmuh belh nan thisen a pe ṭhin.

Scherzinger hian a inchawm a, amah a intunnunna tur chuan hna hnuaihnung ber anga ngaih pawh a thawk hreh lo. Pawisa a thawh chhuah nan thisen a pe a, chu mai bakah chuan restaurant-ah te pawh zaiin a inhlawh ṭhin. "Ka retheih lai ber chu college ka kal lai kha a ni a, ka thisente pawh ka hralh hal ṭhin," a ti.