IG leh Whatsapp aia tunlaia tla na Amazon
Instagram, Twitter, Whatsapp leh Facebook te i hmang a, heng apps tel lo chuan i nun a kim loa i ngaih a, Amazon app hi i phone-a a awm leh si loh chuan tunlai khawvel ṭhalaite ngaihsan, American ṭhalaite ke pen rualin ke i la pên lo tihna a ni ang! Comscore-in a zirchiannaah chuan Amazon app tel loa nun kim loa inngai an tam ber!
Comscore-in zirchianna an neihah chuan tunlaia phone app chi hrang hrang zingah a tel loa awm thei lo tam ber chu Amazon hi a ni. Comscore hian kum 18aṭanga kum 34 inkarteaṭanga zirchianna an neih chuan mi za zela 35 te chuan Amazon tel lo hian an nunkhua a har tih an sawi.
Amazon dawta app hman nasat, a tel loa awm thei loa inngai an tamna leh chu Gmail a ni. Mi ṭhenkhatin Facebook leh apps dang hman nana account an siam a, hman zuina chang an hriat loh leh an hman tak mang loh Gmail hi ram changkangah chuan ṭhalaiten an lo hmang nasa hle. He app tel loa phone hmang hlei thei lo hi zaa 30 an ni.
Facebook lawng ngau ngau hi a tel loa awm thei loa inngai zaa 29 an ni a, amaherawhchu Facebook kaihhnawih zawng zawng, Messenger, Whatsapp tih velte nen chuan Facebook leh a zawmpuite hi hmangtu an tam ber thung. Amaherawhchu app mal ang chuan FB hi pathumna a ni.
A tel loa awm theih loa inngaiten app an hman nasa chu chhangtu zaa 18% Messenger chu a tel loa an awm theih lohna app niin an sawi a, zaa 11 ten Whatsapp, Instagram pawh zaa 1 an ni. Twitter chu eng age group-ah pawh, a tel loa awm thei loa inngai an tlem a, app hman nasat top 8 zingah pawh a lang pha lo.