Cindy Lalthanpuii A aia mawi an awm chuang lo

Cindy Lalthanpuii chuan a hlawhtlinpui ngai bawk 'A mawi ber' chu pakhatna a nihpui leh a, a vawi thumna a ni ta. Kumin fakna chart-a hla ngai hmanga pakhatna a zawna vawi thum luah thei pahnihna a ni a, Amtea khan 'A hming a hria' hmangin a zawnin pakhatna vawi thum a luah tawh bawk. TBC Zaithanpuia'n pakhatna hi vawi thum tho kuminah luah tawhin, ani hi chuan 'Zawh ka zuam lo' leh 'Nang chauh i ni' tih hlate hmangin pakhatna a luah thung.

Praise On-a pathumna luahtu Cindy-i hian tuna a hla hi music khawvela a video hmasa ber a ni. "Hetianga pakhatna a luah thei hi ka beisei pha lo reng reng a, vawi thum lai mai pakhatna a'n ni ta phei hi chu ka beisei lo lehzual" a ti. He music video hi live-a record a ni a, Wave Recording-ah record-in Video hi Mawitea, IDS kutchhuak a ni.

Cindy hian kuminah music video dang pawh a buatsaih leh mai thei a, mahse tunah hian B.Com a zir mek a, in-exam tura inpuahchah a ngaih chhoh avangin a video dang tihchhuah theih dan tur hi a sawi lawk theih loh. "Music video dang ka siam leh dawn a nih pawhin 'Phal mai rawh' emaw 'Chawimawina' emaw kha ka siam ka ring," a ti.

A chungah Cindy-i a kal vanglai a la nih avangin TBC Zaithanpuia pawh 'Min ngaidam rawh' hla hmangin pahnihnaah a vawi hnih nan a ṭhu leh a, chutiang bawkin Grace Lalchhanhimi hla 'Rawngbawl tura chhandam' chu pathumnaah bawk a ṭhu leh. Top 10 aṭangin Parema hla 'Hmangaihtu Isua' leh Miriam Lalnundiki hla 'Kan Lalpa' te a chhuak a, One in Christ hla 'Ka Lalpa ram' chu pasarihnaah rawn langin, Sawmtea hla 'Hlimin ka zai' chu pakuanaah a rawn lang thar bawk.

Hontrade International Ṭhazual Fakna

1 Cindy Lalthanpuii

- A mawi ber

2 TBC Zaithanpuia

Min ngaidam rawh

3 Grace Lalchhanhimi

- Rawngbawl tura chhandam

4 Judith

- Ka lungawi e

5 David Vanlalpeka

- Lalpa'n a sawm a che

6 Amtea

- Ka hming a hria

7 One in Christ

- Ka Lalpa Lalram

8 Temii Sailo

- I thiam an hril

9 Sawmtea

- Hlimin ka zai

10 Vohbiki

- Fakna sang ber