Nicole Kidman leh a chhungte'n quarantine dan bawhchhia

Australian actress Nicole Kidman leh a pasal bakah an fate pahnih chu ram dang aṭanga Australia-ah an kir leh hnuah quarantine hun ni 14 chhung chu hotel-ah inkhung hrang tur an nih laiin an inkhung hrang loin anmahni in lamah an haw a, hemi vang hian dem an hlawh hle.

Thawhlehni khan an private jet hmangin US aṭangin Australia-a Sydney-ah an thleng a, an thlen hnu darkar rei lote chhungin an chenna hmun Southern Highlands estate-ah an awm nia sawi a ni. New South Wales premier, Gladys Berejiklian chuan hemi chungchang hi sawi fiah nghal thuaiin, Nicole Kidman-te chhungkua chu NSW-a an inlamah inkhung hran phalsak an nih thu a sawi. Australia-a dan hman mekah chuan ram dang aṭanga Australia-a kirte hi ni 14 chhung sorkar pawm hotel-ah an inkhung hrang tura tih an ni thung.