Ngurthansanga'n music video thar a tichhuak dawn

Mizo mipa folk singer kan neih ṭhat ber zinga mi Ngurthansanga chuan music video thar 'Chawngchen Zai/Lalsangi Zai' a tichhuak dawn.

Zonet Ṭhazual Award 2021 Best Traditional Artist Nominee Ngurthansanga music video thar hi theme pahnih nei tur a ni a, a hmasa zawkah chuan hmanlai huna chhawng an chen dan lantir niin, theme hnuhnung zawkah erawh pasalṭhate'n Lasi an zawl dan leh an inchhai dan a tilang dawn thung.

Video chu Anthony Wowv kut chhuak a ni a, Seraphic Records-ah recording chu tiin, track chu Chda Vh kut chhuak a ni thung. Chda Vh leh Duhawma-te'n an direct a ni.

Ngurthansanga hi State Level Pi Pu Zai Intihsiak Art & Culture buatsaih leh Mark Advertising Folk Song & Dance Competition-ahte pahnihna hial ni thei a ni a, a music video thar hi Zonet Cable TV leh MDM YouTube channel lamah thlira ngaihthlak theihin a chhawp chhuak thuai dawn a ni.