Gaming News FIFA 23, Ted Lasso leh AFC Richmond

FIFA football game khel ṭhin i nih a, Emmy award hial dawng tawh Apple TV+ show Ted Lasso fan i nih bawk chuan, i tan thu lawmawm hriat tur a awm e.

EA Sports leh Ted Lasso siamtute thawkdun chuan FIFA 23-ah Ted Lasso series-a club phuahchawp AFC Richmond hman theihin an chhawp chhuak dawn a, an coach Ted Lasso (Jason Sudeikis) pawh a hman theih dawn.

Thawhlehni khan FIFA 23 trailer thar tihchhuah a ni a, chutah chuan hemi chungchang hi hmuh tur a awm a ni. FIFA 23 Career mode-ah Ted Lasso hi manager hman theih zingah a tel dawn a, a club AFC Richmond pawh Career Mode, Kick-off, Online Friendlies, leh Online

Season-ahte a hman theih vek dawn bawk.

Ted Lasso hi sports comedy series lar tak niin Emmy award phei chu a dawng nual tawh a, tunlaia series hit ber pawl a ni. FIFA 23 hi September 30 hian PC, PS4, PS5, Xbox One, leh Xbox Series S/X-a khelh theih turin an tlangzarh dawn bawk a ni.