Stage-ah Avril leh a ex-te nen

Kum thum chhung zet mai stage-a a zai tawh loh hnuah Avril Lavinge chu stage-ah chuang chhuakin a zai leh ta a, amah maia zai loin, band nen an zai a, a zaipuite hi tudang ni loin, a pasal hlui, Chad Kroeger leh a band, Nickelback a ni.

Los Angeles-a Greek Theatre-ah Nickelback band te nen hian an zai a, heta an hla sak hi Nickelback hla hit ‘Rockstar’ kha a ni. Avril hi stage-a a inlar khâtna chhan chu lyme natna a neih vang a ni. Kum 2014 khan lyme natna a nei tih hmuhchhuah a ni a, hemi hnu aṭang hian stage-ah a lang lo zui ta vang vang a ni. Album a tihchhuah hnuhnun ber chu kum 2013-a mi ‘Avril Lavinge’ kha a ni a, hla a tihchhuah hnuhnun ber chu Nick Carter nena an sak ‘Get over me’ kha a ni. Tunah hian album a buatsaih leh mek a, a tichhuak hnai tawh hle niin an sawi.