A lar avangin Sam Smith a inla reh!

Kum 2014-a In The Lonely Hour album a tihchhuah aṭanga lar namen­a lar lo, Sam Smith chu a hlawhtlin hnu lawkah a thawm a reh nghal vang vang a, tunhnaiah chanchin a nei leh chauh. Hetia music a chawlhsan titihna chhan ber chu a lar vang a lo ni.

Sam Smith hian khaw­vel hriata a rawn hlawhtlin hnuah a nun a harsa a, a nun a buai phah hle tih a sawi. A tlakchhiat a, nun khawlo tak a neih loh nan music a chawlhsan chhunzawm nghal tih a sawi. “Kha kum thum chhung khan ka nun hian nasa takin a sual a, a bei nasa a ni,” a ti. A nun pangngai taka a hman reng theih nan music a chawlhsan chu a ṭul niin a sawi.