Fiamthu Fest khuhhawng dawn ta

Yamaha Fiamthu Fest chu naktuk, Zirtawpni zan hian khuhhawn a ni dawn a, fiamthu bakah zai leh lâm thlengin hemi zan hian chhim tur a awm ang.

Yamaha Fiamthu Fest 2017 khuhhawnna hi Chanmari YMA Hall-ah Zirtawpni zan dar 7:30 hian neih a ni dawn a, he fest buatsaihtute zinga mi Hruaia leh Adama ten an kaihruai ang. Fiamthu Fest khuhhawnnaah hian AMC Councillor, Rosiamngheta chu khuallian a ni ang a, zaithiam zai a awm ang a, Zigzag Crew te an che bawk dawn.

Khuhhawnna neih hnu hian Yamaha Fiamthu Fest 2017 ṭanna tak tak hi October 3 khian neih ṭan a ni ang a, intihsiaknaah hian lawmman pawh a ṭha hle. Heta tel duhte tan application form a la lak theih a, form lak chhuah theih hun hi September 26 thleng a ni ang. The Grand Hotel, Chanmari; The Goodlife, Dawrpui bus stand; ZONET Office, Zarkawt leh Dental Plaza, Zodin Square-ah te application form hi a lak theih.