Brand ambassador thar DJ Lalvenhimi

Zaithiam DJ Lalvenhimi chu Hannah Khiang­te chuan brand ambassador-ah a hmang dawn a, an inbe fel tawh e.

Zaithiam hlawhtling leh lar DJ Lalvenhimi leh designer Hannah Khiangte te chuan inremna siamin, Hannah Khiangte hian nakkum January thla thleng DJI hi a brand ambassador-ah a hmang dawn. Hemi chhung hian DJI hian Hannah Khiang­te kut­chhuak thawmhnawte a hak larsak dawn a ni. Hannah Khiangte chuan, “A talent te, a danglam bikna te, a nunte hian tunlai music khawvela mi langsarah a tar chhuak a, ani nena fashion lama kan thawk dun tur hi kan phur tawh hle a ni,” a ti.

DJ Lalvenhimi pawh a lawm hle. “Brand ambassador ka ni tur hi ka lawm em em a, min sawmna ka hmuh aṭang phatin ka phur em em a, ka châk tawh hle. Keimah pawhin theihtawp ka chhuah ang,” a ti.