DJ-i zaina Scooty film OST tichhuak

Mizo film thar chhuak tur, Scooty film original soundtrack chu Inrinni khan tlangzarh a ni. He ost hi tunlaia zaithiam lar DJ Lalvenhimi leh Solomon Rothangpuia te sak a ni. Scooty original soundtrack hi ‘Scooty’ tih a ni a, DJ Lalvenhimi leh Solomon Rothangpuia te hi an duet. He hla hi love song lam a ni.

Scooty film ost tlangzarh a nih rual hian a trailer tihchhuah a ni nghal ang. Scooty film hi romantic comedy a ni a, PC Mawia produce niin amah hian a script a ziak nghal. Film hi Mapuia, Leitlang Pictures kutchhuak a ni a, a changtute pawh Mizo film lama kan hmelhriat sa an ni a, hmelthar a awm bawk ang.