Zayn Malik-a’n Styles a be hmasa ngai lo!

Zayn Malik chuan One Direction-a a awm lai chanchin sawiin, Harry Styles a be hmasa ngai lo a ni âwm e!

Zayn Malik hian Us Weekly-in an kawmnaah, “He band-a ka awm lai hian Harry hi ka be ngai lo. Chuvang chuan kan band ka chhuahsan hnu pawh hian a hnen aṭangin beisei ka nei hran lo a ni,” a ti. Amah­erawhchu 1D-a a member-puite zawng zawng a thlauhthla tihna erawh a ni lo.

Harry Styles nena an inbiak ngai loh avang hian Zayn Malik hian midang pawh a be ngai lo tihna a ni lo a, Liam Payne nen chuan an inbe ngun hle. Twitter-ah pawh an inbe fo ṭhin. Chanchin dang awm leh chu an band original member-te zinga inhmuhthiam lohna awm chu tunah chuan an dah thla tawh a, Tomlinson-a sawi dan chuan kum 2015-a Twitter kaltlanga inngeih lohna awm chu paih a ni tawh a, One Direction member pangate inzawmkhawm leh pawh thil theih a ni ta a, he idea hi Malik pawh hian a hnawl loh ngei a beisei thu a sawi.