Pro Kabaddi host Kumbhar-a'n lemchan lam a sawi

Kum 2015 aṭanga Pro Kabaddi League hneh taka host ṭhintu Sachin Kumbhar chuan a hma lam zelah lemchan luhchilh pawh a hreh lem lo a, chutiang lam chu a la hawi mai thei a ti.

Sachin Kumbhar hi anchor hlawhtling leh aw thawhtu langsar a ni. Femina Miss India-ah te, Star Network leh thil dang tam takah anchor a lo ni tawh ṭhin. Pro Kabaddi league pawh hi a hlawhtlinpui hle. Kumbhar chuan tuna a tih ṭhin bakah hian thil thar dang han dapte pawh a châk hle tih a sawi a, chung zingah chuan lemchan hi a sawi tel a ni.

Anchor hlawhtling ni tura thil pawimawh nia a ngaih a sawi chhuak bawk. Kumbhar chuan, "Anchor reng reng chuan a sawi chhuah tur thuziak emaw, content emaw a nei ngei tur a ni. Ngaithlatute nena inzawm­na ṭha tak a siam tur a ni a, a pawimawh ka tih chu inrintawkna a ni," a ti. A eizawnna kawnga tiphurtu ber chu Ellen DeGeneres a nih thu a sawi a, ani bakah mi tam tak a eizawnna kawnga a entawn an awm bawk.