GOT chan dan tidanglam dawn

Game of Thrones chu a lar bawk a, a put ru tawk a awm reng mai. A put ru ṭhin ven nan hian film chan dan, a bikin an shoot dan an thlak danglam dawn.

Game of Thrones Season 8 hi tun season anga nasa taka a put ruk an hlauthawng a, HBO-a an programming president, Casey Bloys chuan a chan dan, a bikin shooting lamah an tihdan an thlak dawn tih a sawi. A sawi dan chuan a tawpna bik zel hi shooting chi hrang hrang siam an tum a, lo put ru palh pawh nise, a khawi ber hi nge an hman dawn tih hriat lohna tura tih a ni. Bloys chuan, “Version hrang hrangin an shoot ang a, a tawp tak tak a thlen hma chuan a khawi ber hi nge tih hriat loh tura siam tura rua­hman a ni,” a ti.

GOT Season 8 hi October thla aṭangin a chan vel buaipui chhoh leh ṭan a ni ang a, nakkum August thla thleng a ni ang. Chuti a nih chuan GOT season hnuhnung ber hi kum 2019-a tihchhuah theih chauh a nih hmel hle.