Gaga a chawlh rei a ngai dawn

Damlohna avanga Brazil-a Rio de Janeiro-a a concert tur a ṭhulh hnuah Lady Gaga hi a dam chiang thei lo a, a natna hi a serious zêk a ni, tour a neih tur dang pawh a hun a sawn a ngaih phah. Lady Gaga hian Joanne tour a neih mekah Europe-a a tour hmabak chu a hun a sawn hla.

Lady Gaga hian Europe-ah hian September 21 aṭanga October 28 thlenga tour nei turin rua­hmanna a siam kha a ni a, mahse a damloh tak avang hian Europe-a a tour tur chu nakkum lamah a sawn hla. Lady Gaga hian fibromyalgia natna a nei tih a puang a, he natna kaihhnawih zingah chauhna, tihrawl na, mut lama harsatna te a thlen.