Rihanna: Super Bowl half-time show headline dawn

Pop superstar Rihanna chu nakkum February thlaa Arizona-a neih tur NFL Super Bowl half-time show-ah headline a ni dawn.

Grammy award pakua lai dawng tawhtu Rihanna hian hemi tichiang tur hian Twitter lamah pawh NFL football lem a tweet tawh a ni. Pathianni zan khan hemi chungchang hi a buatsaihtute chuan puangzarin, thuchhuah an siamah kum 34 mi Rihanna chu "generational talent" tiin an sawi hial.

Kumin NFL Super Bowl half-time show-ah kha hip-hop khawvela mi langsar tak tak- Dr. Dre, Snoop Dogg, Eminem, Mary J Blige leh Kendrick Lamar-te inlanin minute 14 chhunga an performance kha mi maktaduai 120 velin an en tih NFL chuan an sawi a ni.