Rebecca Lallawmsangi'n Lunglei-ah concert a nei dawn ta

Mizo hmeichhe singer kan neih zinga boruak nei lian ber pawl, Rebecca Lallawmsangi chuan September 30, Zirtawpni zan hian Lunglei Saikuti Hall-ah concert a nei dawn ta.

Guest Artist tur pawh an nep dawn lo hle. Tunlai Rapper lar leh an hla eng pawh hit em em thei zel, Saiwanah leh Young Fella-te an ni dawn. Ticket hi Rs 100 leh 200 mana siam a ni a, Zomawi Bakery Chanmari, Refidim Infosys Venglai (Near Vakiria) MM Digital Chanmari-ahte lei tur a awm a ni.

Rebecca Lallawmsangi hian Serchhipah hlawhtling takin concert a lo nei tawh a, Lunglei lamah pawh a hlawhtling leh viau tura ngaih a ni. Bek-i hian a manager, JC Mawitea (The Friday Show) hma lak puinain Kolasib lamah October thla chhung hian concert neih leh a tum bawk.