Lam thiam Asangi GT-in MV thar tichhuak

Mizo Girl Group Survival Show-a lawm hlawh tak, Mizo Dance Camp dancer ni bawk Asangi GT chuan music video thar 'Chantir Rawh' nizan khan a tichhuak.

'Chantir Rawh' hi ama pual music video tihchhuah hmasak ber niin Lal K Sailo phuah a ni a, Kings & Prophets-ah recording tiin Anthony Wowv Videography a ni thung.

Alan Rinawma'n music video hi a direct a, chuvang chuan mit leh beng a tlai lo thei lo. Asangi hian a talent hrang hrang a music video tharah hian a pholang bawk a ni.

Asangi GT hi Mizo Dance Camp Team-ah kum 2017 khan Audition hmanga lakluh a ni a, Mizorama event lian leh competition hrang hrangah a lo tel tawh ṭhin bawk. Teacher training-te nei chhoin, MDC leh hmun hrang hrangah lam a zirtir ṭhin a, kum 2020 khan Manipur, WeDance Academy, Lamka-ah Instructor niin thla hnih lai a lo awm tawh a ni.

Amah hrim hrim hi chu music video 10 chuangah a inlan tawh a, Feli Fanai, Zorinzuali Khiangte, Youngfella leh KR Robert-te music video-ah pawh inlan tawhin Lil Kiki 'Mi Rinawm. music video-ah khan a lam bakah choreographer a ni bawk.

Nizan khan Zonet lamah he music video hi pho chhuah a ni tawh a, Ningani zan aṭang hian YouTube lamah duh hmeh chhuah theihin a awm dawn a ni.