Artist 100-a pakhatna Thomas Rhett

Country singer Thomas Rhett chu Billboard album chart-a a album tharin pakhatna a luah theih hnuah Billboard Artist 100-ah pakhatna a ni ve ta. Country singer zingah kumin chhunga he chart-a pakhatna luah thei hmasa ber dawttu a ni.

Thomas Rhett hi a hmain 25-na a ni a, chuta ṭang chuan billboard Artist 100-ah pakhatnaah a rawn zuang chho a ni. Artist 100 chart an siam aṭanga country singer zinga he dinhmun luah thei hi an la tlem hle a, kuminah phei chuan an tlem lehzual. Kumina he chart-a pakhatna ni thei hmasa ber chu Chris Stapleton a ni a, May thla khan Artist 100-a pakhatna dinhmun hi a luah a ni.

Artist 100 chart siam hnuah country singer-te hi he chart-a pakhatna luah thei an la tam lo hle. Kum 2014 khan Blake Shelton chu a lo lang tawh a, hemi kum vek hian Jason Aldean chuan pakhatna a luah bawk. Jason Aldean hi kum 2016 October thla khan pakhatna a ni leh bawk. Pakhatna vawi hnih luah thei dang chu Florida George Line niin, kum 2014 November leh kum 2016 Sept. thlaah te pakhatna a ni. Luke Bryan chuan kum 2015 August thla khan pakhatna a lo luah tawh bawk.