Lirnghing tuarte hnenah Salma Hayek-i’n pawisa a thawh hnem

Mexico aṭanga chawr chhuak, actress hlawhtling, Salma Hayek chuan a chawr chhuahna Mexico ramin lir­nghing nasa tak an tawrh avanga ṭanpui nan USD nuai khat a thawh.

Kum 51 mi actress, Salma Hayek chuan Mexico-a lirnghing tuarte ṭanpui nan USD nuai 1 a thawh a, he lirnghing hi richter scale 7.1-a na a ni. Hayek chuan kum 1985-a

Mexico khawpui, Mexico City leh a chhehvel lirnghingin a nuai laia a tawrh chanchin a sawi chhuak. “Kum 1985-a Mexico City leh a chhehvela lir a nghin zawh hnu khan kan awmna in aṭangin min thiar chhuak nghal a ni. Ka ṭhiante tam tak an thi a, chung zingah chuan ka pami pawh a tel ve nghe nghe. Khatiang chhiatna rapthlak tak paltlang khan ka nun ka hmang chho a ni,” a ti.

“Mexico-a hun rapthlak tak tuartute ṭanpuina turin Crowdise chu ka ṭan nghal a, hei hi ṭanpuina tura sum tuakna tur a ni. Heng mite ṭanpui tur hian te lua awm loa pe turin ka ngen tak meuh meuh che u a ni,” a ti. Pawisa an tuak chhuahte hi UNICEF charity atana pek a nih tur thu Hayek hian a puang nghal bawk.