Aizawlah Jazz Festival awm dawn

Jazz music ngainatute tana hmaih phal loh tur, Jazz Festival chu Aizawlah neih a ni dawn a, hetah hian khawvel ram dang aṭangin Jazz musician-te an rawn kal ang.

1st International Jazz Festival chu September 28 khian Chanmari YMA Hall-ah neih a ni dawn. He festival hi Indian Council for Cultural relations (Ministry of External Affairs, Govt. of India) buaipuiin Aizawl Jazz Academy leh Art & Culture Dept., Mizoram te buatsaih tur a ni. September 28 chhun dar 12-ah Chanmari YMA Hall-ah workshop neih a ni ang a, zan dar 7-ah a hmun ngaiah bawk hian concert a awm ang a, en man a awm lo ang.

Jazz Festival buatsaih turah hian Israel aṭangin Yogev Shatrit Trio an rawn kal ang a, anni bakah hian tualchhung zaithiam leh band te an che bawk ang.