Dawngtu zingah India photojournalist pathum an tel

United States-a chanchinbu, maga­zine, online journalism, literature leh musical composition lama che ṭhate chawimawina a pek ṭhin Pulitzer Prize chu Thawhṭanni zanah khan sem a ni a, Associated Press (AP) hnuaia thawk India mi pathum Mukhtar Khan, Dar Yasin leh Channi Anand-te chu he chawimawina dawngtu zingah hian telin Feature photography category-ah an dawng.

India sorkarin Jammu and Kashmir special status a tihtawp laia khuahkhirhna khauh tak hnuaia an hnathawh avangin heng India mi pathumte hian journalism lama chawimawina sang hi an dawng a ni.

An chawimawina dawn lawm­pui­tu zingah hian Congress leader Rahul Gandhi leh Kashmir politician Omar Abdullah-te an langsar hle.

Mukhtar Khan leh Dar Yasin-te hi Srinagar lama awm an ni a, Chan­ni Anand erawh hi chu Jammu lam mi a ni thung. An pathum hian American news agency Associated Press (AP) hnuaia thawk an ni.

AP executive editor Sally Buzbee chuan an thiamna, huai­sen­na, hmang­chang hriatna leh an thawhpui dangte nena an thawhho ṭhat vanga chawi­mawina hi dawng an nih thu a sawi.

Hindustan Times-in an kawm­naah Anand chuan Pulitzer Prize chu a awm tih hre tho mah se an duhthusamah pawh an la dawn ngai loh thu a sawi a, sawi tur a hriat loh zawk thu a sawi hial.

Yasin leh Khan pawhin twitter kaltlangin an lawm hle tih an sawi ve bawk a ni.

An chhungte hnenah an dinhmun an hrilh thei lo: APAssociated Press pawhin Jammu and Kashmir-a an journalist pathumte chu an fak hle a, "Duh lohna lantirna thlengte leh chanchin thar dangte chu anmahni ngeiin an finfiah a ngai a ni. Khan leh Yasin-te chuan Srinagar kawtthlerte an fan a ngai bawk. Yasin chuan duh lohna lantirtute leh sipai lamin an rin ngam loh ve ve thu a sawi hial.

"Journalist-te hi ni eng emaw zat an inah pawh an haw thei lo a, an chhungte hnenah an dinhmun an hrilh thei lo a, an ngaihtuahawm lo tih pawh an sawi thei lo a ni," tiin an huaisenna an fak.

J&K buaina kan hre tlangpui hlawm a, inbiakpawhna leh internet zawng zawng thla tam tak chhung tihtawp a ni tih pawh kan hre awm e. Hetiang a nih avang hian photographer-te hian an thlalak pawh an upload thei lo. Yasin chuan hetiang karah hian Srinagar airport aṭanga zin chhuak turte chu an thlalakte kensak turin an ngen hial a ngai tih a sawi a, chu chu Delhi lama an chhungte zin tur chuan a office lamah an lo dah leh ṭhin niin a sawi.

Chanchinbu tichhuaktu  Joseph Pulitzer-in a rokhawm tur  Columbia University hnena  journalism school dinna tur leh chawimawina pekna tur atana a thawh aṭanga sem ṭan Pulitzer Prize hi kum 1917 aṭang khan sem ṭan a ni tawh. 

Category 21-ah chawimawina hi pek a ni ṭhin. Category 20-ah chuan chawimawina hian certificate bakah pawisa fai $15,000 a kengtel a,  public service category-a chawi­mawi­na dawngtu chu gold medal pek an ni ṭhin thung.

Public service    :    The Anchorage Daily News, in collaboration with ProPublica

Breaking news reporting    :    The staff of the Louisville Courier-Journal

Investigative reporting    :    Brian M. Rosenthal, The New York Times

Explanatory reporting    :    The staff of The Washington Post

Local reporting    :    The staff of The Baltimore Sun

National reporting    :    T. Christian Miller, Megan Rose and Robert Fatu­rechi, ProPublica and Dominic Gates, Steve Mile­tich, Mike Baker and Lewis Kamb, The Seattle Times

International reporting    :    The staff of the New York Times

Feature writing    :    Ben Taub, The New Yorker

Commentary    :    Nikole Hannah-Jones, The New York Times

Criticism    :    Christopher Knight, Los Angeles Times

Editorial writing    :    Jeffery Gerritt, Palestine Herald-Press

Editorial cartooning    :    Bary Blitt, The New Yorker

Breaking news photography    :    The photography staff of Reuters

Feature photography    :    Channi Anand, Mukhtar Khan and Dar Yasin, The Associated Press

Audio reporting    :    This American Life

Drama    :    A Strange Loop, by Michael R. Jackson

History    :    Sweet Taste of Liberty: A True Story of Slavery and Restitution in America, by W. Caleb McDaniel

Biography    :    Sontag: Her Life and Work, by Benjamin Moser

Poetry    :    The Tradition, by Jericho Brown

General nonfiction    :    The Undying: Pain, Vulnerability, Mortality, Medicine, Art, Time, Dreams, Data, Exhaustion, Cancer, and Care, by Anne Boyer and The End of the Myth: From the Frontier to the Border Wall in the Mind of America, by Greg Grandin

Music    :    The Central Park Five, by Anthony Davis

Fiction    :    The Nickel Boys, by Colson Whitehead

 Special Citation

Ida B. Wells