Lady Gaga ‘Joanne’ concert tour a hlawk
Gaga tour, Joanne World Tour hi North America-ah chuan a hlawhtling em em vek mai. North America-a khawpui 15-ah show vawi 20 a nei a, hengte hi ticket hralh zawh vek a ni hlawm a, ticket an hralh zawng zawng hi 440,551 a ni. Gaga hian North America-a a tour hi August 1 aṭang khan a ṭan a, September 11 khan Philadelphia-ah a khar a ni.
Concert-a ticket hralh aṭang chauh pawhin USD mtd 52 zet a lalut. A concert-na hmun hi stadium leh arena a ni a, stadium-a a concert-ah hian chawhrualin entu mi 36,500 awm ziah ang an ni. Stadium-a a concert zingah, a sum lakluhna tam ber chu New York-a Citi Field kha a ni a, he hmunah hian Aug. 28 leh 29 khan a concert a, heta ṭang hian USD mtd 9.5 a hmu tling.
Arena-a a concert pawh a hlawhtling em em vek tho. Arena-a a concert vawi khatah entu 15,800 zel awm ang an ni. Los Angeles-a The Forum-a a concert chu arena-a concert a neiha a lakluh hnemna ber a ni a, USD mtd 3.6 a lalut.
Tun ṭum a tour-a arena-a concert a neih hi a hmaa hetiang hmuna concert tour a lo neih tawh vawi hnihte ai khan a hlawhtling zawk. Kum 2014-a ArtRave: The ArtPop Ball-a arena-a concert a neih apiangin entu 12,300 awm ziah ang an ni a, Born This Way Ball-ah khan entu 12,400 awm ziah ang an ni.