Big Bang member-te sipaiah ṭang dawn

South Korea dan angin mipa puitling an ni tawh a, chuvang chuan sipai an ṭan ve ngei ngei a ngai. South Korea group hlawhtling, Big Bang member-te chu sipaiah a inziak lut dawn a, nakkum ṭhal lai hian sipaiah an lut ang.

Big Bang member zinga mi T.O.P chu a hmain sipaiah a lo lut tawh a, G-Dragon, Taeyang, Daesung leh Seungri te chuan a hnung an zui dawn a ni. Japan ram chanchinbuten an tarlan dan chuan Daesung leh Seungri te hi duh chuan sipaiah an la ṭang lo thei a, amaherawhchu Big Bang hi member kima an rawn let leh thuai theih nan a upa zawkte rualin sipaiah hian an lut ve dawn a ni.

T.O.P hian kumin February thla aṭang khan sipai hi a zawm a, amaherawhchu ruihtheih thila a lo fihlim loh avangin hremna pawh pek a ni. Big Bang member dangte hi chu solo angin an kal hlawm.