Daddy Yankee-a’n mipuite ṭanpui turin ngen

Rapper hlawhtling, Daddy Yankee chuan Hurricane Maria avanga Puerto Rico mipuite ṭanpui turin a fan-te leh mipuite a ngen. Daddy Yankee chuan Twitter kaltlangin ṭanpuina pe turin hian mi a ngen. Tui thianghlim in tur te, diaper te, battery te thlengin mipuiin an mamawh tih a sawi. Daddy Yankee hi tunlai hian hmun hrang hrangah concert programme a nei a, a concert-naah hian thlipui tuarteṭanpuina pe turin a ngen. Ningani zan khan New York-ah show a nei a, Zirtawpni khan Illinois-ah, Inrinni zan hian Connecticut-ah concert a nei leh.