Tiger King series-ah Nicolas Cage
American true crime documentary, Tiger King series tharah Nicolas Cage a chang dawn.
Nicolas Cage hi zoo (sa huan) enkawltu Joe Exotic chanchin zulzuia siam series-ah a inlan dawn a, Joe Exotic lemah hian Cage hi a chang dawn niin variety chuan a tarlang.
Kumin March 20 khan Netflix kaltlangin Tiger King: Murder, Mayhem and Madness chu thlangzarh a ni a, episode 7 thleng tihchhuah a ni. He series hi nungcha humhalh lamhawi film a ni a, tlangzarh a nih aṭanga ni 10 chungin Netflix-ah hian thlirtu hi mi maktaduai 34.3 an awm hman.
Series tihchhuah thar tur episode 8-naah hian Cage hi a chang dawn tih tarlan a nih rual hian, he episode thar buaipui tur leh siam turte hi Imagine Entertainment, CBS Television Studios leh Dan Lagana an nih thu tarlan tel a ni bawk. Cage hi executive producer a ni bawk ang.